கிழக்கின் கிரிக்கட் சாதனை வீரனுக்கு அட்டாளைச்சேனைப் பிரதேச சபை உறுப்பினர் எஸ்.எல்.முனாஸ் வாழ்த்து- படங்கள் இணைப்பு.

(எஸ்.எம்.அறூஸ்)

கொழும்பு ஸாஹிராக் கல்லூரியின் கிரிக்கட் வீரர் நிக்ஸி அஹமட் இன்று அகில இலங்கை ரீதியாக நடைபெற்று வருகின்ற பாடசாலைகளுக்கிடையிலான 19 வயதுக்குட்பட்ட முதலாம் பிரிவு கிரிக்கட் சுற்றுப் போட்டியில் மிகத்திறமையாக விளையாடி வருகின்றார்.

ஆரம்ப துடுப்பாட்ட வீரராகவும் ஆரம்ப பந்து வீச்சாளராகவும் நிக்ஸி விளையாடி வருகின்றார். துடுப்பாட்டத்தில் 14 போட்டிகளில் கலந்து கொண்டு 737 ஓட்டங்களைப் பெற்றுள்ளார். இதில் 94 பவுண்டரிகளும், 40 சிக்சர்களும் அடங்கும். பந்து வீச்சில் 24 விக்கட்டுக்களைக் கைப்பற்றியுள்ளார்.

இலங்கையின் மிகச்சிறந்த பாடசாலைகளுக்கெதிராக கூடுதலான ஓட்டங்களைப் பெற்றுள்ளதோடு அதிகூடிய சிக்சர்களையும் அடித்துள்ளார். கிழக்கு மாகாணத்தின் அம்பாரை மாவட்டத்தைச் சேர்ந்த நிக்ஸி அஹமட் கொழும்பு பிரதேசத்தில் இவ்வாறு அதீத திறமைகளை வெளிக்காட்டுவது முழுக்கிழக்கு மாகாணத்திற்கும் குறிப்பாக முஸ்லிம்களுக்கும் பெருமை தரும் விடயமாகும்.

முன்னாள் இந்திய கிரிக்கட் வீரரான மனோஜ் பிரபாகர் ஆரம்ப துடுப்பாட்ட வீரராகவும், ஆரம்ப பந்து வீச்சாளராகவும் விளையாடி நட்சத்திர வீரராக வலம் வந்ததை இந்த சந்தர்ப்பத்தில் ஞாபகப்படுத்திப் பார்க்கலாம். இவ்வாறனதொரு நிலைக்கு நிக்ஸி அஹமட் எதிர்காலத்தில் முன்னேரலாம் என எதிர்பார்க்கப்படுகின்றது.

கிழக்கு மாகாணத்தைச் சேர்ந்த நமது சொந்தங்கள் அற்புதமான திறமையை வெளிப்படுத்தி வருகின்ற நிக்ஸி அஹமட்டின் எதிர்கால முன்னேற்றத்திற்கு பாரிய பங்களிப்பினை வழங்க வேண்டும். கிழக்கு மண்ணின் தனயன் இலங்கைத் தேசிய அணியில் விளையாடுகின்றான் என்ற மயிர் கூச்சரியும் சாதனையைப் படைக்க நாம் எல்லோரும் கைகொடுத்து உதவ வேண்டும்.

அந்த வகையில் அட்டாளைச்சேனை பிரதேச சபை உறுப்பினரும் அம்பாரை மாவட்ட உதவி சாரண ஆணையாளருமான எஸ்.எல்.முனாஸ் நிக்ஸி அஹமட்டின் நிந்தவூர் வீட்டிற்கு சென்று தனது வாழ்த்துக்களைத் தெரிவித்ததுடன் அவரது பெற்றோருக்கும் நன்றியையும் தெரிவித்தார்.

அத்தோடு எதிர்காலத்தில் நிக்ஸியின் முன்னேற்றத்திற்கு உதவி செய்வதாகவும் குறிப்பிட்டார். இங்கு பிரதேச சபை உறுப்பினருடன் நுஜா ஊடகவியலாளர் ஒன்றியத்தின் தலைவர் எஸ்.எம்.அறூஸ் அவர்களும் சென்று நிக்ஸியைப் பாராட்டினார்.

நிக்ஸியின் வளர்ச்சியில் அவரது தந்தை மற்றும் தாய் பெரும் பங்களிப்பினை வழங்கியுள்ளனர். நிக்ஸியின் பாட்டி அவரது சகோதரர்கள் நண்பர்களின் ஊக்குவிப்பு பாராட்டத்தக்கது. நல்ல மனம் படைத்தவர்களாக நிக்ஸியின் குடும்பம் இருப்பதை நாம் அவர்களோடு பழகியதிலிருந்து தெரிந்தது. கிழக்கின் சாதனை வீரன் நிக்ஸி அஹமட் வளம்பெற வாழ்த்துவோம்.

இந்த செய்தியை நண்பர்களுடன் பகிர்ந்து கொள்ள...

எமது உத்தியோகபூர்வ பேஸ்புக் பக்கம்

importmirror.com

எமது செய்திகளை உடனுக்குடன் பேஸ்புக் மூலம் அறிந்து கொள்ள எமது பேஸ்புக் பக்கத்தை லைக் (like) செய்க!

முக்கிய குறிப்பு :

எமது இணையத்தளத்துக்கு அனுப்பிவைக்கப்படும் ஆக்கங்கள் , செய்திகள் என்பவற்றுக்கு அதனை அனுப்பிவைப்பவர்களே பொறுப்பாளிகள் ஆவர். தவறான அல்லது பிழையான, அவதூறு, பிறர் மனங்களை புண்படுத்தும் செய்திகள் அல்லது தகவல்களுக்கு எமது நிருவாகமோ இணையத்தளமோ பொறுப்பாளியல்ல. இதனைக்கருத்தில் கொண்டு தகவல் தொடர்புகளை மேற்கொள்ளுமாறு வேண்டுகின்றோம்.- நிருவாகம் -