(எஸ்.எம்.அறூஸ்)
நன்பகல் 12 மணியளவில் (06) அட்டாளைச்சேனை பிரதான வீதியில் தேசிய பாடசாலை முன்பாக இடம் பெற்ற முச்சக்கரவண்டி, பஸ் வீதி விபத்தில் முச்சக்கர வண்டி ஓட்டுனர் மற்றும் அதில் பயணித்த ஆசிரியை, குழந்தை உட்பட மூன்று பேரும் காயங்களுக்குள்ளாகி அக்கரைப்பற்று ஆதார வைத்தியசாலையில் அனுமதிக்கப்பட்டுள்ளனர்.
இது தொடர்பாக மேலும் தெரியவருவதாவது அட்டாளைச்சேனை தேசிய பாடசாலை முன்பாக ஆசிரியை மற்றும் குழந்தையுடன் கல்முனை அக்கரைப்பற்று பிரதான வீதியில் முச்சக்கர வண்டியை திருப்பி எடுக்க முட்பட்ட வேளை கல்முனையிலிருந்து அக்கரைப்பற்று நோக்கி பயணிகளை ஏற்றி வந்து கொண்டிருந்த இலங்கை பொக்குவரத்துச் சபைக்குச் சொந்தமான பஸ் வேகத்தைக் கட்டுப்படுத்த முடியாமல் நேருக்கு நேர் மோதுண்டு விபத்து ஏற்பட்டுள்ளது.
இவ்விபத்தில் முச்சக்கரவண்டியின் சாரதி எம்.மன்சூர் என்பவர் கடுங்காயங்களுக்குள்ளாகியுள்ளதுடன் அதில் பயணித்த ஆசிரியை மற்றும் குழந்தை சிறுகாயங்களுடன் வைத்தியசாலையில் அனுமதிக்கப்பட்டுள்ளனர்.
இது தொடர்பான மேலதிக விசாரணைகளை அக்கரைப்பற்று பொலிஸார் மேற் கொண்டு வருகின்றனர்.
0 comments :
Post a Comment