ஏற்கனவே வழங்கப்பட்டிருந்த உத்தரவை இடைநிறுத்துமாறு லேக்ஹவுஸ் நிறுவனம் தாக்கல் செய்திருந்த கோரிக்கையை நீதிமன்றம் நிராகரித்துள்ளது.
இந்த வழக்கு முன்னர் கொழும்பு மாவட்ட நீதிமன்றில் விசாரணைக்கு எடுத்துக்கொள்ளப்பட்டபோது லேக்ஹவுஸ் நிறுவனம் சார்பாக எந்தவொரு அதிகாரியும் நீதிமன்றில் பிரசன்னமாகாத நிலையில் நீதவான் ஒருதலைபட்சமாக தீர்ப்பு வழங்கியிருந்தார்.
இதனையடுத்து வழக்கு விசாரணை இடம்பெற்ற தினத்தில் தமது அதிகாரிகளால் நீதிமன்றில் பிரசன்னமாக முடியாமல் போனதால் தீர்ப்பினை மீள்பரிசீலனை செய்யுமாறு லேக்ஹவுஸ் நிறுவனம் கொழும்பு மாவட்ட நீதிமன்றில் மனுவொன்றை தாக்கல் செய்திருந்தது.
ஆயினும் அந்த மனுவை நிராகரித்த நீதிபதி ஏற்கனவே வழங்கப்பட்டிருந்த தீர்ப்பை நேற்று மீண்டும் உறுதிசெய்துள்ளார்.
பிரதம நீதியரசர் ஆவதற்கான கனவுடன் விஜேதாஸ ராஜபக்ஸ வாழ்வதாக சிலுமின பத்திரிகையில் பிரசுரிக்கப்பட்டிருந்த கட்டுரையொன்றில் தமக்கு அபகீர்த்தி ஏற்பட்டிருப்பதாக தெரிவித்து 50 கோடி ரூபா இழப்பீடு கோரி ஜனாதிபதி சடட்டத்தரணி விஜேதாஸ ராஜபக்ஸ இந்த வழக்கை தாக்கல் செய்திருந்தார்.
0 comments :
Post a Comment