முஸ்லிம் எயிட் நிறுவனத்தின் 15 இலட்சம் ரூபா செலவில் ஸ்ரீ சித்தி விநாயகர் முன்பள்ளிப் பாடசாலை

 பழுலுல்லாஹ் பர்ஹான்-

இலங்கையில் பல்வேறு பிரதேசங்களில்; இன நல்லுறவை பேணும் வகையில் வௌ;வேறுவிதமான சமூக அபிவிருத்திப் பணிகளை செய்துவரும் முஸ்லிம் எயிட் நிறுவனத்தின் அனைவருக்கும் கல்வி எனும் முன்பள்ளி பாலர் கல்விக்கு உதவும் நிகழ்ச்சித் திட்டத்தின் கீழ் மட்டக்களப்பு மாவட்டத்தில் ஆரையம்பதி பிரதேச செயலாளர் பிரிவுக்குட்பட்ட தாழங்குடா பிரதேசத்தில் முஸ்லிம் எயிட் இலங்கை கள அலுவலகத்தின் சுமார் 15 இலட்சம் ரூபா செலவில் அமைக்கப்பட்ட ஸ்ரீ சித்தி விநாயகர் பாலர் பாடசாலை திறப்பு விழா 30-01-2014 இன்று வியாழக்கிழமை இடம்பெற்றது.

ஆரையம்பதி பிரதேச சபையின் முன்னாள் பிரதித் தவிசாளர் எஸ்.சிவலிங்கம் தலைமையில் இடம்பெற்ற இந்நிகழ்வில் பிரதம அதிதியாக மட்டக்களப்பு மாவட்ட அரசாங்க அதிபர் பி.எஸ்.எம்.சார்ள்ஸின் பிரதிநிதியாக கலந்து கொண்ட மட்டக்களப்பு மாவட்ட செயலக உதவி மாவட்டச் செயலாளர் எஸ்.ரங்கநாதன் கலந்து கொண்டு மேற்படி பாலர் பாடசாலையை நாடா வெட்டி திறந்து வைத்தார்.

இதன் போது பாலர் பாடசாலையின் நினைவுக் கல் திரை நீக்கம் செய்து வைக்கப்பட்டதுடன் தமிழ்-முஸ்லிம் இன நல்லுறவை பேணும் வகையில் பல்வேறு சமூக அபிவிருத்திப் பணிகளை செய்துவரும் முஸ்லிம் எயிட் நிறுவனத்தின் பணிப்பாளர் பைசர் கானுக்கு அவரின் சேவையைப் பாராட்டி அதிதிகளினால் பொன்னாடை போர்த்தப்பட்டு உதவி மாவட்டச் செயலாளர் எஸ்.ரங்கநாதனினால் நினைவுச் சின்னம் வழங்கி வைக்கப்பட்டது.

இங்கு பாலர்களின் ஆற்றல்களை பிரதிபலிக்கும் வகையில் பல்வேறு கலை நிகழ்ச்சிகள் இடம்பெற்றதுடன் இப் பாலர் பாடசாலையில் கல்வி பயிலும் 35 பாலர்களுக்கு புத்தகப்பையும், பாடசாலை உபகரணங்களும் வழங்கி வைக்கப்பட்டது.

இந்நிகழ்வில் ஆரையம்பதி பிரதேச செயலாளர் வ.வாசுதேவன்,தாழங்குடா பாடசாலை அதிபர் சா.மதிசுதன்,ஆரையம்பதி பிரதேச சபை தவிசாளர் சி.ஜே.அருட்பிரகாசம், முஸ்லிம் எயிட் நிறுவனத்தின் மட்டக்களப்பு மாவட்ட இணைப்பாளர் எம்.ஏ.எம்.அஸ்மி, முஸ்லிம் எயிட் நிறுவனத்தின் உட்கட்டுமான அபிவிருத்தி உத்தியோகத்தர் எம்.எம்.எம்.முனீர் உட்பட ஊர் பிரமுகர்கள் ,ஊடகவிலாளர்கள் ,பெற்றோர்கள் என பலரும் பிரசன்னமாயிருந்தனர்.

இந்த செய்தியை நண்பர்களுடன் பகிர்ந்து கொள்ள...

எமது உத்தியோகபூர்வ பேஸ்புக் பக்கம்

importmirror.com

எமது செய்திகளை உடனுக்குடன் பேஸ்புக் மூலம் அறிந்து கொள்ள எமது பேஸ்புக் பக்கத்தை லைக் (like) செய்க!

முக்கிய குறிப்பு :

எமது இணையத்தளத்துக்கு அனுப்பிவைக்கப்படும் ஆக்கங்கள் , செய்திகள் என்பவற்றுக்கு அதனை அனுப்பிவைப்பவர்களே பொறுப்பாளிகள் ஆவர். தவறான அல்லது பிழையான, அவதூறு, பிறர் மனங்களை புண்படுத்தும் செய்திகள் அல்லது தகவல்களுக்கு எமது நிருவாகமோ இணையத்தளமோ பொறுப்பாளியல்ல. இதனைக்கருத்தில் கொண்டு தகவல் தொடர்புகளை மேற்கொள்ளுமாறு வேண்டுகின்றோம்.- நிருவாகம் -