சுகாதார அமைச்சு முன்னெடுத்துவரும் வைத்தியசாலைகளின் இரத்த வங்கிகளை பலப்படுத்தும் திட்டத்தின் கீழ் கல்முனை அஷ்ரஃப் ஞாபகார்த்த வைத்தியசாலையின் இரத்த வங்கி கட்டிட நிர்மாணத்திற்கான அடிக்கல் நடும் நிகழ்வு இன்று (27) வைத்தியசாலை வளாகத்தில் இடம்பெற்றது.
நெதர்லாந்து அரசாங்கத்தின் 50 மில்லியன் ரூபா செலவில் நிர்மாணிக்கப்படவுள்ள இந்த இரத்த வங்கி கட்டிடத்திற்கான அடிக்கல்லினை அஷ்ரஃப் ஞாபகார்த்த வைத்தியசாலையின் வைத்திய அத்தியட்சகர் டாக்டர் ஏ.எல்.எம்.நஸீர் நாட்டிவைத்தார்.
இந்நிகழ்வில் பொதுசுகாதார வைத்தியஅதிகாரி டாக்டர் ஏ.எல்.எம்.பாறூக், சட்ட வைத்திய அதிகாரி டாக்டர் வை.எல்.எம்.யூசுப், கண் வைத்திய நிபுணர் டாக்டர் எம்.எம்.ஏ.றிசாத் மற்றும் வைத்தியசாலை அபிவிருத்திச் சபை உறுப்பினர்கள், வைத்தியசாலை உத்தியோகத்தர்கள், பொதுமக்கள் என பலரும் கலந்து கொண்டனர்.
0 comments :
Post a Comment