வத்தளை நகரில் நாளாந்தம் ஏற்படும் வாகன நெரிசலை கட்டுப்படுத்தும் முறையை அறிமுகப்படுத்துவதற்காக இந்த நடவடிக்கை எடுக்கப்பட்டுள்ளதாக பொலிஸ் ஊடகப் பேச்சாளரும், சிரேஷ்ட பொலிஸ் அத்தியட்சகருமான அஜித் ரோஹன குறிப்பிட்டார்.
இன்றைய தினம் முழுவதும் இந்த பரீட்சார்த்த நடவடிக்கை முன்னெடுக்கப்படவுள்ளது.
இதற்கமைய, நீர்கொழும்பில் இருந்து கொழும்பு நோக்கிப் பயணிக்கும் வாகனங்கள் வத்தளை, நில்மினி சந்தியில் வலதுபுறமாகத் திரும்பி, பழைய நீர்கொழும்பு வீதியினூடாகப் பயணித்து, அல்விஸ் டவுன் பகுதியில் பிரதான மார்க்கத்திற்குள் பிரவேசிக்க முடியுமென பொலிஸார் தெரிவிக்கின்றனர்.
கொழும்பில் இருந்து நீர்கொழும்பு நோக்கிப் பயணிக்கும் வாகனங்கள் அல்விஸ் டவுன் பகுதியில் இருந்து நில்மினி சந்தி வரையில் பிரதான வீதியின் இருவழிகளிலும் பயணிக்கமுடியுமென அவர் சுட்டிக்காட்டினார்.
இதேவேளை, நில்மினி சந்தியில் இருந்து அல்விஸ் டவுன் வரையான பகுதியில் அமைந்துள்ள அரச, தனியார் நிறுவனங்கள் மற்றும் வர்த்தக நிலையங்களுக்கு நீர்கொழும்பில் இருந்து செல்வோர் நில்மினி சந்தியில் திரும்பி, பழைய நீர்கொழும்பு வீதியின் ஊடாகவே பயணிக்க வேண்டுமென பொலிஸ் ஊடகப் பேச்சாளர் தெரிவித்தார்.
0 comments :
Post a Comment