அதன்படி, நெல்லை வண்ணார்பேட்டை தெற்கு பைபாஸ் சாலையில் போராட்டம் நடந்தது. இதில் நெல்லை, கன்னியாகுமரி, தூத்துக்குடி, விருதுநகர், தேனி, மதுரை உள்பட பல்வேறு மாவட்டங்களை சேர்ந்தவர்களும், கேரளாவில் இருந்து பல்லாயிரக்கணக்கான முஸ்லீம்கள் குடும்பத்துடன் திரண்டு வந்து கலந்து கொண்டனர்.
போராட்டத்துக்கு தமிழ்நாடு தவ்ஹீத் ஜமாத் மேலாண்மை குழு உறுப்பினர் எம்.எஸ்.சுலைமான் தலைமை தாங்கினார். மாவட்ட தலைவர்களான நெல்லை செய்யது அலி, மதுரை முகமது அலி, தேனி பசீர், விருதுநகர் அபுபக்கர், ராமநாதபுரம் சுலைமான், தூத்துக்குடி அப்பாஸ், குமரி அப்துல் சலீம், திருவனந்தபுரம் மண்டலம் ஷாநவாஸ் ஆகியோர் முன்னிலை வகித்தனர். மேலாண்மை குழு தலைவர் சம்சுல்லுகா கண்டன உரையாற்றினார்.
ஆயிரக்கணக்கான பெண்களும், குழந்தைகளும் இப்போராட்டத்தில் கலந்து கொண்டு கோரிக்கைகளை வலியுறுத்தி கோஷங்கள் எழுப்பினார்கள்.
இப்போராட்டம் காரணமாக நெல்லை நகரம் இன்று ஸ்தம்பித்து போனது. போராட்டத்தை முன்னிட்டு நெல்லையில் பஸ் போக்குவரத்து மாற்றி விடப்பட்டிருந்தது. நெல்லையில் இருந்து மதுரை செல்லும் பஸ்கள் அனைத்தும் புது பஸ் நிலையத்தில் இருந்து டக்கம்மாள்புரம், கே.டி.சி. நகர், சங்கர் நகர் வழியாக சென்றது. மதுரையில் இருந்து நெல்லை வந்த பஸ்களும் இதே பாதையில் மாற்றி விடப்பட்டன.
இதுபோல நெல்லைக்கு செல்ல வேண்டிய பஸ்கள் அனைத்தும் மாற்றுப் பாதையில் மாற்றி விடப்பட்டிருந்தது. இதற்காக ஏற்பாடுகளை போலீசார் செய்திருந்தனர்.
0 comments :
Post a Comment