.jpg)
.jpg)
.jpg)
கல்வி மற்றும் வாழ்வாதார நிகழ்ச்சித் திட்டம் போன்ற பல்வேறு சமூகப் பணிகளை இலங்கையில் பல்வேறு பகுதிகளில் மேற்கொண்டு வரும் லைகாவின் ஞானம் அறக்கட்டளை நிறுவனத்தின் மட்டக்களப்பு மாவட்ட கிளை காரியாலயம் இலக்கம் 55.1 புதிய வன்னியா வீதி ,மட்டக்களப்பு எனும் முகவரியில் 26 இன்று வியாழக்கிழமை திறந்து வைக்கப்பட்டுள்ளது.
இதன் போது ஞானம் அறக்கட்டளை நிறுவனத்தின் மட்டக்களப்பு மாவட்ட கிளை காரியாலயத்தை நிகழ்வின் பிரதம அதிதியாக கலந்து கொண்ட லைகாவின் ஞானம் அறக்கட்டளையின் போஷகர் திருமதி ஞானாம்பிகை அல்லிராஜா நாடா வெட்டி உத்தியோகபூர்வமாக திறந்து வைத்தார்.
மேற்படி லைகாவின் ஞானம் அறக்கட்டளை நிறுவனத்தின் கிளைகள் இலங்கையில் யாழ்ப்பாணம்,கிளிநொச்சி,முல்லைத்தீவு,திருகோணமலை, வவுனியா ,மட்டக்களப்பு ஆகிய மாவட்டங்களில் திறந்து வைக்கப்பட்டுள்ளதாகவும் ,மேலும் இரண்டு கிளைகள் 26 இன்று வியாழக்கிழமை மாலையுடன் அம்பாறை ,மன்னார் ஆகிய மாவட்டங்களில் திறந்து வைக்கப்படவுள்ளதாகவும் லைகாவின் ஞானம் அறக்கட்டளை மற்றும் லைகா மொபைல் நிறுவனத்தின் தலைவர் அல்லிராஜா சுபாஸ்கரன் தெரிவித்தார்.
இத் திறப்பு விழா நிகழ்வில் லைகாவின் ஞானம் அறக்கட்டளையின் போஷகர் திருமதி ஞானாம்பிகை அல்லிராஜா, லைகா மொபைல் நிறுவனத்தின் பிரதித் தலைவர் பிறேம் சிவசாமி, லைகாவின் ஞானம் அறக்கட்டளை மற்றும் லைகா மொபைல் நிறுவனத்தின் தலைவர் அல்லிராஜா சுபாஸ்கரன் ,ஞானம் அறக்கட்டளை நிறுவனத்தின் பிரதிநிகள் என பலரும் கலந்து கொண்டனர்.
இன்று திறந்து வைக்கப்பட்ட ஞானம் அறக்கட்டளை நிறுவனத்தின் மட்டக்களப்பு மாவட்ட கிளை காரியாலயம் ஞானம் அறக்கட்டளை நிறுவனத்தின் 6 வது மாவட்ட கிளை காரியாலயம் என்பது குறிப்பிடத்தக்கது.
.jpg)
0 comments :
Post a Comment