மஞ்சள் கோட்டுக் கடவையில் இடம்பெற்ற விபத்தொன்றில் பெண் ஒருவர் உயிரிழந்துள்ளதாக சாலியவெவ பொலிஸார் தெரிவித்தனர். புத்தளம் – அநுராதபுரம் வீதியில் 17ஆம் கட்டை அளுத்கம பிரதேசத்தில் இடம்பெற்ற இவ்விபத்தில் இஹலபுளியங்குளம் பிரதேசத்தைச் சேர்ந்த டி. எம். விமலாவதி (வயது 70) என்ற வயோதிபப் பெண்ணே இவ்வாறு உயிரிழந்தவராவார்.
உயிரிழந்த பெண் அளுத்கம பிரதேச மருந்தகத்திற்கு வைத்திய சிகிச்சைக்காக செல்வதற்கு குறித்த வீதியின் மஞ்சள் கோட்டை கடக்க முற்பட்டுள்ளார்.
அவ்வேளை புத்தளம் – அநுராதபுரம் வீதி வழியாக வேகமாக வந்த கார் இப்பெண் மீது மோதியுள்ளதாக பொலிஸார் தெரிவித்தனர்.
இவ்விபத்தில் குறித்த பெண் சம்பவ இடத்திலேயே உயிரிழந்துள்ளதுடன் அப்பெண்ணின் உடல் பிரேத பரிசோதனைக்காக புத்தளம் வைத்தியசாலைக்கு எடுத்துச்செல்லப்பட்டது.
விபத்துடன் தொடர்புடைய காரின் சாரதி சாலியவெவ பொலிஸாரால் கைதுசெய்யப்பட்டுள்ளதோடு விபத்து தொடர்பில் மேலதிக விசாரணைகளை மேற்கொண்டு வருகின்றனர்.
0 comments :
Post a Comment