தித்திக்கும் தீபத் திருநாளை சிறப்பிக்கும் முகமாக மாவட்டத்தின் பல்வேறு இடங்களிலும் பல்வேறு நிகழ்வுகள்

த.நவோஜ்-

தித்திக்கும் தீபத் திருநாளை சிறப்பிக்கும் முகமாக மாவட்டத்தின் பல்வேறு இடங்களிலும் பல்வேறு அமைப்புகளினாலும் பல சிறப்பு நிகழ்வுகள் நடைபெற்றன. அந்தவகையில் கரிதாஸ் எகெட் அமைப்பின் சமாதானப் பிரிவின் ஏற்பாட்டில் செவ்வாய்க்கிழமை தீபாவளி திருநாள் சிறப்பு நிகழ்வுகள் மட்டக்களப்பு சாள்ஸ் மண்டபத்தில் எகெட் அமைப்பின் இயக்குனர் அருட்பணி ஜெரோன் டி லிமா அடிகளின் தலைமையில் இடம்பெற்றது.

இந்நிகழ்வில் இந்துமத சொற்பொழிவாளர் சிவஸ்ரீ.எஸ்.சிவப்பிரகாசம், கிறிஸ்தவ மதகுரு அருட்பணி ஜோஸப் மேரி அடிகள், இஸ்லாம் சமய சொற்பொழிவாளர் மௌலவி பிரிதவுஸ் நளீமீ, எகெட் அமைப்பின் சமாதானப் பிரிவின் திட்ட இணைப்பாளர் கிறிஸ்டி, ஆகியோருடன், எகெட் அமைப்பின் அலுவலகர்கள், முன்று மதத்தினையும் சேர்ந்த பொதுமக்கள் என பலர் கலந்து கொண்டனர்.

இதன் போது தீபாவளி தினத்தின் மகிமை பற்றிய சொற்பொழிவுகள் முன்று மதத்தினை சேர்ந்த சொற்பொழிவாளர்களால் நிகழ்த்தப்பட்டதுடன், நிருத்திய கலாலய மாணவிகள், புளியந்தீவு ரிதம் இளைஞர் கழகத்தின் சிறுவர் கழக உறுப்பினர்கள், சகாயபுரம் சமாதானப் பிரிவு அங்கத்தவர்கள் ஆகியோரால் கலை நிகழ்வுகளும் நிகழ்த்தப்பட்டமை குறிப்பிடத்தக்கது.

இந்த செய்தியை நண்பர்களுடன் பகிர்ந்து கொள்ள...

எமது உத்தியோகபூர்வ பேஸ்புக் பக்கம்

importmirror.com

எமது செய்திகளை உடனுக்குடன் பேஸ்புக் மூலம் அறிந்து கொள்ள எமது பேஸ்புக் பக்கத்தை லைக் (like) செய்க!

முக்கிய குறிப்பு :

எமது இணையத்தளத்துக்கு அனுப்பிவைக்கப்படும் ஆக்கங்கள் , செய்திகள் என்பவற்றுக்கு அதனை அனுப்பிவைப்பவர்களே பொறுப்பாளிகள் ஆவர். தவறான அல்லது பிழையான, அவதூறு, பிறர் மனங்களை புண்படுத்தும் செய்திகள் அல்லது தகவல்களுக்கு எமது நிருவாகமோ இணையத்தளமோ பொறுப்பாளியல்ல. இதனைக்கருத்தில் கொண்டு தகவல் தொடர்புகளை மேற்கொள்ளுமாறு வேண்டுகின்றோம்.- நிருவாகம் -