.jpg)
பழுலுல்லாஹ் பர்ஹான்-
காத்தான்குடி மூன்றாம் குறிச்சி ஊர் (பழைய கல்முனை) வீதியில் அமையப் பெற்றதும், காத்தான்குடி பள்ளிவாயல்கள் வரலாற்றில் மிக தொன்மை வாய்ந்த பள்ளிவாயலுமான மஸ்ஜிதுல் குலபா-இர் ராஷிதீன் பள்ளிவாயலில் இயங்கிவரும் அல்-குர்ஆன் மத்ரசாவின் மாணவ,மாணவிகள் கடந்த 2013 ,2014 ஆண்டுகளில் குர்ஆன் மதரசாக்கள் அபிவிருத்திச் சபையின் பொதுப் பரீட்சையில் சிறப்பான முறையில் சித்தியடைந்து- விருதுகளும், பரிசில்களும், சான்றிதழ்களும் பெற்றமைக்காக பாராட்டு வைபவம் ஒன்று இடம் பெறவுள்ளது.
பள்ளிவாயலின் தலைவர் அல்ஹாஜ்.ஏ.எல்.பதுர்தீன் தலைமையில் எதிர்வரும் 13.03-2015 வெள்ளிக்கிழமை, அஸர் தொழுகையைத் தொடர்ந்து இப்பாராட்டு வைபவம் நடைபெறவுள்ளது.
24 மாணவ, மாணவிகளுக்கு நடை பெறும் இந் நிகழ்வில் உலமாக்கள், ஊர்ப்பிரமுகர்கள், பெற்றோர்கள் முதலானோர் அழைக்கப்பட்டிருப்பதாக பள்ளிவாயல் நிருவாக சபை உதவிச் செயலாளர் மௌலவி. மஸ்ஊத் அஹ்மத் (ஹாஷிமி) ஜே.பி தெரிவித்தார்.
.jpg)