முன்னாள் ஜனாதிபதியின் தொழிற்சங்க ஆலோசகர் பாரத லக்ஷமன் பிரேமச்சந்திர கொலை வழக்கு மே மாதம் 22ம் திகதிக்கு ஒத்திவைக்கப்பட்டுள்ளது.
குறித்த வழக்கு இன்று விசாரணைக்கு வந்தபோது கொழும்பு மேல் நீதிமன்ற நீதிபதி பவித்ரா தென்னகோன் வழக்கை ஒத்திவைத்துள்ளார்.
பாராளுமன்ற உறுப்பினர் துமிந்த சில்வா உள்ளிட்ட பிரதிவாதிகள் 12 பேர் இன்று நீதிமன்றில் ஆஜரானபோதும் பிரதான பிரதிவாதி பிரியந்த ஜனக்க என்பவர் நீதிமன்றில் ஆஜராகவில்லை.
குறித்த நபருக்கு அழைப்பாணை விடுப்பதில் சிக்கல் உள்ளதாகவும் அதனை செய்ய முடியாது போனால் அவர் இன்றி விசாரணை நடத்துமாறு அரச சட்டத்தரணி நீதிமன்றில் அறிவித்துள்ளார்.
இதேவேளை, குறித்த வழக்கின் பிரதிவாதியான சமிந்த டி ஜயனாத் 10 லட்சம் பெறுமதியா இரண்டு சரீரப் பிணைகளில் விடுதலை செய்யப்பட்டுள்ளார்.
