முன்னாள் ஜனாதிபதி சந்திரிக்கா பண்டாரநாயக்க குமாரதுங்க, சிவில் அமைப்புகளுடன் இணைந்து நல்லாட்சிக்கான ஐக்கிய தேசிய முன்னணியின் தேர்தல் பிரசாரத்திற்கு ஒத்துழைப்பு வழங்க திட்டமிட்டுள்ளார்.
முன்னாள் ஜனாதிபதி கம்பஹா மாவட்டத்தை மையமாக கொண்டு தேர்தல் பிரசார பணிகளில் ஈடுபட திட்டமிட்டுள்ளதாக அவருக்கு நெருக்கமான தரப்புத் தகவல்கள் தெரிவிக்கின்றன.
முன்னாள் ஜனாதிபதி சந்திரிக்கா பண்டாரநாயக்க குமாரதுங்க தற்போது வெளிநாட்டில் தங்கியிருப்பதுடன் ஓரிரு தினங்களில் அவர் இலங்கை திரும்புவார் என கூறப்படுகிறது.
ஐக்கிய மக்கள் சுதந்திர முன்னணியில், முன்னாள் ஜனாதிபதி மஹிந்த ராஜபக்சவுக்கு தேர்தலில் போட்டியிட வாய்ப்பளிக்கப்பட்டிருப்பதால், அதிருப்தியடைந்துள்ள சந்திரிக்கா, ஐக்கிய தேசியக் கட்சியின் தலைமையிலான கூட்டணிக்கு இம்முறை ஆதரவு வழங்க தீர்மானித்துள்ளார்.
