தென்னிந்திய நடிகர் சங்க தேர்தல், 'கிளைமாக்சை' நெருங்கியுள்ளது. ஒரு ஓட்டின் விலை, 500 ரூபாயில் துவங்கி, படிப்படியாக அதிகரித்து தற்போது, 7,000 ரூபாய் வரை உயர்ந்திருப்பதாக, 'கோலிவுட்' தகவல்கள் தெரிவிக்கின்றன.
விஷால் அணியினர் சமீபத்தில், நாமக்கல்லில், நாடக நடிகர்களிடம் ஓட்டு வேட்டை நடத்தினர். மேட்டுத்தெரு பகுதியில் பிரசாரம் முடித்து, காலனி பகுதிக்கு செல்ல முற்பட்டனர். ஆனால், அங்கிருந்த பிரபல புள்ளி ஒருவர், காலனி பகுதியில் வசிக்கும் நாடக நடிகர்கள், 26 பேரையும் குடும்பத்தோடு, குண்டுக்கட்டாக துாக்கிச் சென்று விட்டார்.
விஷால் அணி அங்கிருந்து சென்ற பிறகே அவர்களை விடுவித்து உள்ளார்.
