அபு அலா –
கல்முனை பிராந்திய சுகாதார பணிமனையின் கீழுள்ள ஆயுள்வேத வைத்தியசாலை நான்கிற்கு 8 சுத்திகரிப்பாளர்களும், 8 பாதுகாப்பு உத்தியோகத்தர்களும் நியமிக்கப்பட்டுள்ளதாக கிழக்கு மாகாண சுகாதார அமைச்சரின் மக்கள் தொடர்பாடல் அதிகாரி எம்.ஐ.எம்.நயீம் இன்று (06) தெரிவித்தார்.
அவர் மேலும் கூறுகையில்,
அட்டாளைச்சேனை தள ஆயுள்வேத வைத்தியசாலை, நிந்தவூர் மாவட்ட ஆயுள்வேத வைத்தியசாலை, தம்பிலுவில் கிராமிய ஆயுள்வேத வைத்தியசாலை, சம்மாந்துறை ஆயுள்வேத வைத்தியசாலைகளுக்கு தலா 2 வீதம்படி 8 சுத்திகரிப்பாளர்களும், தலா 2 வீதம்படி 8 பாதுகாப்பு உத்தியோகத்தர்களுமே நியமிக்கப்பட்டுள்ளதாக கூறினார்.
கடந்த மாதம் கிழக்கு மாகாண சுகாதார அமைச்சர் ஏ.எல்.முஹம்மட் நஸீரிடம் குறித்த ஆயுள்வேத வைத்தியசாலையின் வைத்திய அத்தியட்சகரினால் விடுக்கப்பட்ட கோரிக்கைக்கு அமைவாகவே இந்த நியமனங்கள் நேற்று (05) வழங்கி வைக்கப்பட்டுள்ளதாகவும் அவர் மேலும் கூறினார்.
