மத்திய கிழக்கு நாடுகளுக்கு தொழில்வாய்ப்புப் பெற்றுச் சென்று நிர்க்கதியான இலங்கைப் பணியாளர்கள் 72 பேர், பண்டாரநாயக்க சர்வதேச விமான நிலையத்தின் ஊடாக இன்று திங்கட்கிழமை (28) மீண்டும் நாடு திரும்பியுள்ளனர்.
50 பெண்கள் மற்றும் 22 ஆண்கள் அடங்கலாக, குவைத்திலிருந்து 48 பேரும் சவுதி அரேபியா மற்றும் கட்டாரிலிருந்து தலா 12 பேரும் இவ்வாறு நாடு திரும்பியுள்ளனர்.
இப்பணியாளர்களுக்கு உரிய முறையில் சம்பளம் வழங்கப்படாததுடன், துன்புறுத்தல்களுக்கு உள்ளாகியதாகத் தெரிவிக்கப்பட்ட முறைப்பாட்டைத் தொடர்ந்தே இவர்கள் நாட்டுக்கு அழைத்து வரப்பட்டுள்ளதாக வெளிநாட்டு வேலைவாய்ப்புப் பணியகம் தெரிவித்துள்ளது.
