எம்.ஜே.எம்.சஜீத்-
எதிர் கால இளைஞர்கள் எங்களுடன் சேர்ந்து ஒற்றுமையாக செயற்படுகின்ற போது எதிர் காலத்தில் எமது பிரதேசத்தில் ஆளுமைமிக்க , திறமையான இளைஞர்களை நாம் உருவாக்க முடியும் என அட்டாளைச்சேனை பிரதேச இளைஞர் சேவை அதிகாரி எம்.டி.எம். ஹாருன் தெரிவித்தார்.
அட்டாளைச்சேனை பிரதேச செயலகத்துக்கு உட்பட்ட 2016 ம் ஆண்டுக்கான பிரதேச சம்மேளன கூட்டமும் நிருவாக சபை தெரிவும் பிரதேச சம்மேளன தலைவர் யு.எல்.எம். சபிர் தலைமையில் பிரதேச செயலகத்தில் நடைபெற்றது.
இதன் போது அட்டாளைச்சேனை பிரதேச செயலகத்துக்கு உட்பட்ட ஒலுவில், பாலமுனை, ஆலங்குளம், தீகவாபி போன்ற பிரதேசங்களை பிரதிதுவப்படுத்தும் வகையில் நிறுவாக சபை தெரிவு இடம்பெற்றது.
இந்நிகழ்வில் அம்பாறை மாவட்ட இளைஞர் சேவை அதகாரி யு.எல்.ஏ.மஜீட், அபிவிருத்தி உத்தியோகத்தர் எம். சித்தி நழீறா, எம். எம். நாசர் அலி, ஏ.எல்.எம். நிம்சத் மற்றும் இளைஞர் கழக உறுப்பினர்களும் கலந்து கொண்டனர்.
