வீ.ரி.சகா-
முத்தமிழ்வித்தகர் சுவாமி விபுலானந்த அடிகளாரின் 124வது ஜனன தினத்தில் காரைதீவு விளையாட்டுக்கழகமும் விபுலானந்தா சனசமுக நிலையமும் இணைந்து 3வது வருடமாக நடாத்திய சைவமும் தமிழும் தமிழறிவு வினாவிடைப்போட்டி கழகத்தலைவர் வெற்றிவேல் அருட்குமரன் தலைமையில் சிறப்பபாக நடைபெற்றது.
இறுதி விவாதப்போட்டிக்கு காரைதீவு விபுலானந்த மத்திய கல்லூரி மற்றும் காரைதீவு சண்முகா மகா வித்தியாலயம் ஆகிய இரு அணிகள் பங்கேற்றன.சண்முகா வெற்றிபெற்றது.
கல்முனை கார்மேல் பற்றிமா சிரேஸ்ட தமிழ் ஆசிரியை திருமதி மெய்யழகன் தலைமையிலான நடுவர்குழாம் மத்தியஸ்தம் வழங்கியது.
அங்குரார்ப்பண நிகழ்வில் கழகப்போசகரும் உதவிக்கல்விப்பணிப்பாளருமான வி.ரி.சகாதேவராஜா இ.கி.மி.பெண்கள் பாடசாலை அதிபர் எஸ்.மணிமாறன் ஆகியோர் கலந்து கொண்டனர்.
பரிசளிப்பு நிகழ்வில் கழகப்போசகரும் முன்னாள் பிரதேச செயலாளருமான எஸ்.இராமகிருஸ்ணன் கலந்துகொண்டு பரிசுகளை வழங்கினார்.
கழக உயர்பீட நிருவாகிகளும் மாணவர்களும் கலந்துகொண்டனர்.
