எப்.முபாரக்-
திருகோணமலை மொறவெவ பகுதியில் பதின்மூன்றரை வயதுடைய சிறுமியொருவரை பாலியல் வல்லுறவுக்குட்படுத்திய குற்றச்சாட்டு சந்தேகநபரை அடுத்தமாதம் 6ஆம் திகதி வரை விளக்கமறியலில் வைக்குமாறு திருகோணமலை நீதிமன்ற பதில் நீதிவான் சுபாஷினி சித்திரவேல் நேற்று ஞாயிற்றுக்கிழமை (27) உத்தரவிட்டார்.
மொறவெவ, கம்பங்கோட்ட பகுதியைச் சேர்ந்த 28வயதுடைய ஒருவரே விளக்கமறியலில் வைக்கப்பட்டுள்ளார். குறித்த சந்தேக நபர் இரண்டாவது தடவை திருமணம் முடித்த மனைவியின் மகளை வல்லுறவுக்குட்படுத்தியதாக இரண்டாவது மனைவியினால் செய்யப்பட்ட முறைப்பாட்டுக்கமைய சனிக்கிழமை (26)கைது செய்துள்ளதாக பொலிஸார் தெரிவிக்கின்றனர்.
வளர்ப்புத் தந்தையால் வல்லுறவு குற்றச்சாட்டின் பேரில் கைதான சந்தேக நபரை நேற்று (27) திருகோணமலை நீதிமன்றில் ஆஜர்படுத்திய போதே விளக்கமறியலில் வைக்குமாறு பதில் நீதிவான் உத்தரவிட்டார். இச்சம்பவம் பற்றிய மேலதிக விசாரணைகளை மொறவெவ பொலிஸார் மேற்கொண்டு வருகின்றனர்.
