ரகர் வீரர் வசீம் தாஜூடீனின் கொலை தொடர்பில் அவரது இரண்டு நண்பர்கள் சில முக்கிய தகவல்களைவ வழங்கியதாக பொலிஸ் தகவல்கள் தெரிவிக்கின்றன.
தௌபீக் மற்றும் ஜெயபிரகாஸ் ஆகிய தாஜூடீனின் நெருங்கிய நண்பர்கள் கொலை பற்றிய சில தகவல்களை வழங்கியதாக தெரிவிக்கப்படுகிறது.
இதுவரையில் வெளிவராத முக்கிய தகவல்களை இந்த நண்பர்கள் வெளியிட்டுள்ளனர்.
இந்தக் கொலையுடன் தொடர்புடையவர் என சந்தேகிக்கப்படும் இளம் அரசியல்வாதி ஒருவர் மற்றும் இராணுவ உத்தியோகத்தர்கள் சிலருடன் குறித்த இரண்டு நண்பர்கள் தொடர்ந்தும் தொலைபேசி உரையாடல்களை பேணியதாக விசாரணைகளின் மூலம் தெரியவந்துள்ளது.
அண்மையில் குற்றப் புலனாய்வு பிரிவிற்குச் சென்ற குறித்த நண்பர்கள் இருவரும் தகவல்களை வெளியிட்டுள்ளனர்.
இந்த மரணம் ஓர் விபத்து என அறிக்கை சமர்ப்பித்த வைத்தியர்கள் மற்றும் காவல்துறையினரிடம் மீளவும் விசாரணைகள் நடத்தப்படவுள்ளதாகத் தெரிவிக்கப்படுகிறது.
