பாறூக் சிஹான்-
யாழ்ப்பாணம் புறநகர் பகுதியில் உள்ள ஆரியக்குளத்தில் மீன்கள் திடிரென இறந்த நிலையில் காணப்படுகின்றது. இதன் காரணமாக இப்பகுதியில் துர்நாற்றம் வீசுகின்றது.
பலாலி வீதி யாழ்ப்பாணம் நகரப்பகுதியை இணைக்கும் வீதியில் அமைந்துள்ள இக்குளம் பழைமை வாய்ந்தது. அக்குளம் முன்னால் பௌத்த விகாரை ஒன்று அமைந்துள்ளது. எனினும் இக்குளம் இதுவரை உரிய பராமரிப்புடன் காணப்பட்டு இடையில் கைவிடப்பட்டதாகவே தெரிகின்றது.
குளத்தை சுற்றி என்றுமே காணப்படாத தாமரை படர்ந்து வளர்ந்துள்ளது. இதன் காரணமாக என்னவோ மீன்களிற்கு உரிய சுவாசம் கிடைக்காமல் இறந்திருக்கலாம் என்கின்ற சந்தேகமும் உள்ளது.
ஆனால் இக்குளத்தின் கரையில் மதுபான போத்தல்கள்,கிருமி நாசினி மாதிரியிலான போத்தல்கள் மிதக்கின்றன. தற்போது துர்நாற்றம் வீசுவதனால் இப்பகுதியினால் செல்லும் மக்கள் பல்வேறு சிரமங்களை எதிர்கொள்கின்றனர்.
