இனம் காணப்படாத சிறுநீரக நோய் உட்பட சிறுநீரக நோய்களை முற்றாக ஒழிக்கும் இலங்கை அரசின் நோக்கத்திற்கமைவாக, நகர திட்டமிடல் மற்றும் நீர் வழங்கல் அமைச்சின் வழிகாட்டலின் கீழ் மெதிரிகிரிய நீர் வழங்கல் திட்டத்தின் 2ஆம் கட்ட நிர்மாணப் பணிகள், ஸ்ரீலங்கா முஸ்லிம் காங்கிரஸின் தலைவர் அமைச்சர் ரவூப் ஹக்கீமின் அழைப்பின் பேரில் ஜனாதிபதி மைத்திரிபால சிறிசேனவினால் திங்கட்கிழமை (25) முற்பகல் சிறப்பாக ஆரம்பித்துவைக்கப்பட்டது.
இந்நிகழ்வில் வடமத்திய மாகாண முதலமைச்சர் பேசல ஜயரத்ன, பொலன்னறுவை மாவட்ட, மெதிரிகிரிய தொகுதி பாராளுமன்ற உறுப்பினர் அநுர சிட்னி ஜயர்த்ன ஆகியோர் உட்பட முக்கிய பிரமுகர்களும், பொதுமக்களும் கலந்துகொண்டனர்.
