தெற்கு அதிவேக வீதியில் நாளை காலை 6.00 மணிமுதல் நள்ளிரவு 12.00 மணி வரையான காலப்பகுதியில் இலவசமாக வாகனங்கள் பயணிக்க முடியும் என வீதிப் போக்குவரத்து அதிகார சபை தெரிவித்துள்ளது.
நாளை தொழிலாளர் தினத்தை முன்னிட்டு குறித்த காலப்பகுதியில் அந்த வீதி வழியாக பயணிக்கும் வாகனங்களுக்கு கட்டணங்கள் அறவிடப்பட மாட்டாது எனவும் நாளை மே தினத்தை முன்னிட்டு தெற்கு அதிவேக வீதியில் விஷேட போக்குவரத்து திட்டம் ஒன்று நடைமுறைப்படுத்தப்படவுள்ளதுஎனவும் அந்த சபை தெரிவித்துள்ளது.
நாளைய தினம் அதிக வாகனங்கள் இந்த வீதியால் பயணிக்கும் என்று எதிர்பார்க்கப்படுவதால் வழமையான வெளியேறும் கதவுகளுக்கு மேலதிகமான கதவுகளை இணைத்துக் கொள்வதற்கு தீர்மானிக்கப்பட்டுள்ளதாகவும் அந்த சபை மேலும் தெரிவித்துள்ளது.
