எப்.முபாரக்-
திருகோணமலை மாவட்டத்தில் கிழக்கு மாகாண சபையின் உறுப்பினரும் சிரேஸ்ட சட்டத்தரணியுமான ஜே.எம்.லாஹிரின் வேண்டுகோளுக்கிணங்க விளையாட்டுத்துறை பிரதியமைச்சர் எச்.எம்.எம்.ஹரீஸ் நூற்றி ஐம்பது இலட்சம் ரூபாய் நிதியினை மைதானங்கள் அபிவிருத்திக்காக ஒதுக்கீடு செய்துள்ளதாக கிழக்கு மாகாண சபை உறுப்பினர் ஜே.எம்.லாஹிர் இன்று வெள்ளிக்கிழமை (29) தெரிவித்தார்.
இதில் திருகோணமலை மாவட்டத்திலுள்ள மூதூர் பொது விளையாட்டு மைதான அபிவிருத்திக்காக முப்பது இலட்சம் ரூபாய் நிதியினையும்,பாயும் மீன்கள் விளையாட்டுக் கழகத்திற்கு இருபது இலட்சம் ரூபாய் நிதியினையும், தோப்பூர் பொது விளையாட்டு மைதான அபிவிருத்திக்காக முப்பது இலட்சம் ரூபாய்யினையும், அல்ஹம்ரா விளையாட்டு மைதான அபிவிருத்திக்கு பத்து இலட்சம் ரூபாவும், தம்பலகமம் பொது விளையாட்டு மைதான மைதான அபிவிருத்திக்கு இருபது இலட்சம் ரூபாவும், இறக்கக்கண்டி அல் ஹம்ரா விளையாட்டு மைதான அபிவிருத்திக்கு இருபது இலட்சம் ரூபாவும், மற்றும் குச்சவெளி அந்நூரிய்யா விளையாட்டு மைதான அபிவிருத்திக்கு இருபது இலட்சம் ரூபாய் நிதியும் ஒதுக்கீடு செய்யப்பட்டுள்ளதாக கிழக்கு மாகாண சபை உறுப்பினர் லாஹிர் மேலும் தெரிவித்தார்.
