எப்.முபாரக்-
திருகோணமலையில் இன்று வெள்ளிக்கிழமை (22) ஏற்பட்ட விபத்தொன்றில் திருகோணமலை சிரேஸ்ட ஊடகவியலாளர் அரசரத்தினம் அச்சுதன் வயது (36) காயங்களுக்குள்ளாகி திருகோணமலை பொது வைத்தியசாலையின் அவசர சிகிச்சைப்பிரிவில் அனுமதிக்கப்பட்டுள்ளார்.
உப்புவெளி பொலிஸ் பிரிவுக்குட்பட்ட காந்திநகர் சந்தியில் முச்சக்கரவண்டியொன்று குறித்த ஊடகவியலாளரின் மோட்டார் சைக்கிளில் மோதுண்டுள்ளதாக பொலிஸார் தெரிவிக்கின்றனர்.
தம்பலாகமம் பிரதேசத்திற்குச் சென்று செய்தி சேகரித்து விட்டு வரும் வழியிலே விபத்து நடைபெற்றுள்ளது. குறித்த முச்சக்கரவண்டியின் சாரதியை தடுத்து வைத்து விசாரணைகளை மேற்கொண்டு வருவதாகவும்,உப்புவெளி பொலிஸார் தெரிவிக்கின்றனர்.
