திருக்கோவில் - தங்கவேலாயுதபுரம் பிரதேச காட்டுப் பகுதியில் இருந்து மூன்று மோட்டார் குண்டுகள் இன்று -03- ஞாயிற்றுக்கிழமை மீட்டகப்பட்டுள்ளது.
அம்பாறை விசேட புலனாய்வு பிரிவுக்கு கிடைத்த தகவல் ஒன்றையடுத்து பொலிசாருடன் புலனாய்வுப் பிரிவினர் இணைந்து அந்த காட்டுப் பகுதியில் சோதனை நடத்தினர்.
இதன்போது, நிலத்தில் மறைத்து வைக்கப்பட்டிருந்த மூன்று மோட்டார் குண்டுகளை இன்று ஞாயிற்றுக்கிழமை காலை 11.00 மணியளவில் மீட்டனர்.
இவ்வாறு மீட்கப்பட்ட குண்டுகளை நீதிமன்ற உத்தரவைப் பெற்று பொத்துவில் அறுகம்பை விசேட அதிரடிப் படையினரை வரவழைத்து அவ் இடத்தில் வெடிக்கவைத்து அழிக்க நடவடிக்கை எடுக்கப்பட்டுவருவதாக பொலிசார் தெரிவித்தனர்.
இது கடந்த காலத்தில் விடுதலைப் புலிகளின் கட்டுப்பாட்டில் இருந்த பிரதேசம் என்பது குறிப்பிடத்தக்கது.
