ஏறாவூர் நிருபர் ஏ.எம்.றிகாஸ்-
இவ்வாண்டிற்கான அகில இலங்கை தமிழ்மொழித் தின விழாவின் மட்டக்களப்பு மாவட்டத்திற்கான பிரதான நிகழ்வு 28.04.2016 செங்கலடி மத்திய கல்லூரியில் நடைபெற்றது.
கல்குடா வலயக் கல்விப் பணிப்பாளர் செ.ஸ்ரீ கிருஸ்ணராஜா தலைமையில் நடைபெற்ற இந்நிகழ்வில் மட்டக்களப்பு மேற்கு வலயக் கல்விப் பணிப்பாளர் க.சத்தியநாதன், மத்தி வலயக் கல்விப் பணிப்பாளர் எம்.ஐ.சேகுஅலி மற்றும் மட்டக்களப்பு வலயக் கல்விப் பணிப்பாளர் கே.பாஸ்கரன், பட்டிருப்பு வலயக் கல்வி பணிப்பாளர் திருமதி நகுலேஸ்வரி புள்ளைநாயகம் ஆகியோரின் பிரதிநிதிகளும் கலந்துகொண்டனர்.
இந்து சமய கலாசார பாரம்பரிய முறையில் ஆரம்பிக்கப்பட்ட இந்நிகழ்வில் பேச்சு, கட்டுரை, நடனம், மேடைநாடகம், பாடல், பா ஓதல், வாசிப்பு, முஸ்லிம் நிகழ்ச்சி மற்றம் கூத்து உள்ளிட்ட பல்வேறு போட்டிகள் நடைபெற்றன. ஐந்து வலயங்களையும் சேர்ந்த சுமார் 75 பாடசாலைகளின் மாணவர்கள் கலந்துகொண்டனர்.
மாணவர்கள் பெரும் ஆர்வத்துடன் கலந்துகொண்டனர்.
போட்டிகளில் தெரிவுசெய்யப்பட்ட மாணவர்களுக்கான பரிசில்கள் மற்றும் சான்றிதழ்கள் வழங்கப்படவுள்ளதுடன் மாகாண மற்றும் தேசிய மட்ட போட்டிகளில் பங்கபற்றவதற்கான வாய்ப்புகளும் வழங்கப்படவுள்ளன.
