தனது மகளை துஷ்பிரயோகம் செய்த தாக கூறப்படும் நபரின் கைகளை தந்தையொருவர் வெட்டி வீசிய சம்பவமொன்று இடம்பெற்றுள்ளது. இந்தியாவின் பஞ்சாப்பில் , பதிந்தா நகரில் இச்சம்பவம் இடம்பெற்றுள்ளது.
17 வயது இளைஞன் ஒருவரின் கைகளே இவ்வாறு வெட்டப்பட்டுள்ளன.
கடந்த 2014 ஆம் ஆண்டு ஏப்ரல் மாதம் , குறித்த இளைஞன் 7 மாத குழந்தையொன்றை துஷ்பிரயோகம் செய்துள்ளதாக தெரிவிக்கப்படுகின்றது.
இது தொடர்பான வழக்கு பதிந்தாவில் தற்போது நடந்து வரும் நிலையில், பாதிக்கப்பட்ட குழந்தையின் தந்தையும் , குறித்த இளைஞனும் வழக்குக்காக நீதிமன்றம் வந்துள்ளனர்.
இதன்பின்னர் , குழந்தையின் தந்தையான பம்மா சிங் என்ற நபர் , குறித்த இளைஞனை பேசி சமாதனப்படுத்தி தன்னுடன் மோட்டார் சைக்கிளில் அழைத்துச் சென்றுள்ளார். பின்னர் ஒரு இடத்தில் அவரை மோட்டார் சைக்கிளில் இருந்து இறக்கி , மரத்தில் கட்டி வைத்து கூரிய ஆயுதத்தால் தாக்கி கைகளை வெட்டியுள்ளார்.
கைகள் வெட்டப்பட்ட நிலையில் துடித்துக்கொண்டிருந்த நபரை கிராமவாசிகள் வைத்தியசாலையில் அனுமதித்துள்ளனர். சந்தேகநபரான பம்மா சிங் கைதுசெய்யப்பட்டுள்ளார்.
