சிறைச்சாலை பஸ்ஸை பின்தொடர்ந்த காரொன்றிலிருந்து நான்கு பாதாள உலக கோஷ்டி உறுப்பினர்கள் கைது செய்யப்பட்டுள்ளனர். விளக்கமறியலில் வைக்கப்பட்டுள்ள தெவுந்தர தமிழ் என்ற பாதாள உலக கோஷ்டியின் உறுப்பினரை நீதிமன்றத்திற்கு அழைத்து சென்றுக் கொண்டிருந்த சந்தர்ப்பத்திலேயே இவர்கள் கைது செய்யப்பட்டுள்ளனர்.
குறித்த நான்கு சந்தேகநபர்களும் சிறைச்சாலை பஸ்ஸை பின்தொடர்ந்து வந்துள்ளதுடன், சிறைச்சாலை அதிகாரிகள் இந்த விடயம் குறித்து பொலிஸாருக்கு அறிவித்துள்ளனர்.
இதையடுத்து பொலிஸாரினால் முன்னெடுக்கப்பட்ட சோதனை நடவடிக்கைகளின் போது குறித்த காரில் பயணித்த நால்வரும் பல்வேறு குற்றச் செயல்களுடன் தொடர்புடையவர்கள் என்பது உறுதி செய்யப்பட்டுள்ளது.
இதையடுத்தே இவர்கள் கைது செய்யப்பட்டுள்ளதாக பொலிஸார் குறிப்பிட்டுள்ளனர். கைது செய்யப்பட்டுள்ள சந்தேகநபர்கள் தெவுந்தர தமிழ் என்பவருக்கு எதிராக செயற்பட்டவர்கள் என்பது விசாரணைகளின் மூலம் தெரியவந்துள்ளது.
தெவுந்தர தமிழ் நீர்கொழும்பு சிறைச்சாலையிலிருந்து மினுவங்கொடை நீதிமன்றத்திற்கு அழைத்து சென்றுக் கொண்டிருந்த சந்தர்ப்பத்திலேயே குறித்த நான்கு சந்தேகநபர்களும் கைது செய்யப்பட்டுள்ளனர்.
