எப்.முபாரக்-
திருகோணமமையில் இலங்கை மத்திய வங்கியும், தேசிய இளைஞர் சேவைகள் மன்றமும் இணைந்து நடாத்திய இளைஞர்களுக்கான "நிதியீயல் நிபுணத்துவம்" சம்பந்தமான செயலமர்வு இன்று புதன்கிழமை (4) திருகோணமலை நகர சபையின் கேட்போர் கூடத்தில் இளைஞர் சேவைகள் மன்றத்தின் திருகோணமலை மாவட்ட இளைஞர் சேவை அதிகாரி ஆர்.ரவிக்குமார் தலைமையில் நடைபெற்றது.
நிதியினை எவ்வாறு கையாள்வது, வங்கிகளின் நடைமுறைகள் செயற்பாடுகள், பணப்புழக்கம் எவ்வாறு ஏற்படுகின்றது போன்ற விடயங்கள் தெளிவு படுத்தப்பட்டது. இதில் நூற்றி இருபது இளைஞர் யுவதிகள் பங்குபற்றியிருந்தார்கள்.
இச்செயலமர்வில் இலங்கை மத்திய வங்கியின் குழுத் தலைவர் ஸ்ரீ பத்மநாதன், ஆர்.டி.பி.வங்கியின் அதிகாரி ஜே.கரிகரன், திருகோணமலை சிறைச்சாலை அதிகாரி கே.பிரசாத்,மற்றும் மாவட்ட இளைஞர் சேவை அதிகாரி ஆர்.ரவிக்குமார், நிஸ்கோ முகாமையாளர் ஜெயசுந்தர உட்பட பலரும் கலந்து கொண்டார்கள்.
