க.கிஷாந்தன்-
இலங்கை தொழிலாளர் காங்கிரஸின் பொதுச் செயலாளரும், நுவரெலியா மாவட்ட பாராளுமன்ற உறுப்பினருமான ஆறுமுகன் தொண்டமானின் 52வது பிறந்ததினத்தை முன்னிட்டு 29-05-2016 அன்று கொட்டகலை ஸ்ரீ முத்துவிநாயகர் ஆலயத்தில் விஷேட பூஜை வழிபாடுகள் இடம்பெற்றது.
தொடர்ந்து இப்பூஜை வழிபாடுகள் மலையகமெங்கிலும் இடம்பெற்றமை குறிப்பிடத்தக்கது.
அத்தோடு கொட்டகலையில் அமைந்துள்ள இ.தொ.காவின் தொழிற்பயிற்சி நிலைய காரியாயலத்தில் கேக் வெட்டி பிறந்தநாள் கொண்டாடப்பட்டது.
அதேவேளை கொட்டகலை பிரதேச பகுதியில் உள்ள ரொசிட்டா, சிறிய டிரேட்டன், வணிகசேகரபுர, ஜெயராஜ் மாவத்தை, ஆகிய பகுதிகளுக்கான வீதியை புனரமைப்பதற்கு அடிக்கல் நாட்டி வைக்கப்பட்டது.
இந்நிகழ்வில் பிரதம அதிதியாக மத்திய மாகாண விவசாயத்துறை அமைச்சர் ரமேஷ்வரன், இ.தொ.காவின் மத்திய மாகாண சபை உறுப்பினர்களான கணபதி கனகராஜ், சக்திவேல் மற்றும் இலங்கை தொழிலாளர் காங்கிரஸின் உபதலைவி அனுஷியா சிவராஜா, இலங்கை தொழிலாளர் காங்கிரஸின் உப தலைவர் இராஜதுரை, இலங்கை தொழிலாளர் காங்கிரஸின் இளைஞர் அணி அமைப்பாளர் ராஜமணி பிரசாந்த், இ.தொ.கா முன்னால் பிரதேச சபை உறுப்பினர் மலர்வாசகம், நகரவர்த்தகர்கள் மற்றும் பலரும் கலந்துக் கொண்டனர்.
