பாறுக் ஷிஹான்-
மருதனார்மடம் இணுவில் புகையிரத நிலையத்திற்கு இடையே புகையிரதம் மோதி யுவதி ஒருவர் படுகொயமடைந்த நிலையில் வைத்தியசாலையில் அனுமதிக்கப்பட்டுள்ளார்.
இச்சம்பவம் நேற்று சனிக்கிழமை (7) இரவு 8 மணியளவில் இடம்பெற்றுள்ளது.
இவ்வாறு படுகாயமடைந்தவர் சபாபதிப்பிள்ளை முகாம் வீதியை சேர்ந்த லோறன்ஸ் றெமின்சினா (வயது -18) என அடையாளம் காணப்பட்டுள்ளார்.
காங்கேசன்துறையிலிருந்து யாழ்பாணம் நோக்கிச்சென்ற புகையிரதமே இவ்வாறு மோதி காயமடைந்த யுவதியை ஏற்றி சென்றுள்ளதாக தெரிவிக்கப்படுகின்றது.
காயமடைந்த யுவதி தனது பெரியமம்மாவின் வீட்டில் இருந்து திடிரென ரயில் வரும் பகுதியில் ஓடிச்சென்றதாக நேரில் கண்டவர்கள் குறிப்பிட்டனர்.
சம்பவம் நடைபெற்ற பகுதியில் விபத்தா ? தற்கொலையா ? என்பது தொடர்பாக தற்போது சுன்னாகம் பொலிஸார் தீவிர விசாரணையை முன்னெடுத்து வருகின்றனர்.
மேலும் அதே காலை கோண்டாவிலில் இரு இளைஞர்கள் புகையிரதம் மோதி உயிரிழந்தமை சுட்டிக்காட்டத்தக்கது.
