எப்.முபாரக்-
திருகோணமலை திஸ்ஸ கடற்படை முகாமில் தூக்கில் தொங்கிய நிலையில் நேற்று வெள்ளிக்கிழமை (27) இரவு 8 மணியளவில் சடலமொன்று மீட்கப்பட்டுள்ளதாக துறைமுக பொலிஸார் தெரிவித்தனர்.
குறித்த நபர் குருணாகல் கல்கமுவ பகுதியைச்சேர்ந்த மாரசிங்ஹ (36 வயது) எனவும் பொலிஸார் தெரிவித்தனர்.
கடற்படை முகாமிற்குள் தூக்கில் தொங்கிய நிலையில் மீட்கப்பட்ட சடலம் தொடர்பில் விசாரணைகளை ஆரம்பித்துள்ளதாக துறைமுக பொலிஸார் தெரிவித்தனர்.
சடலம் சட்ட வைத்திய பரிசோதனைக்காக திருகோணமலை பொது வைத்தியசாலை பிரேத அறையில் வைக்கப்பட்டுள்ளது.
மரணம் தொடர்பாக விசாரணைகளை துறைமுக பொலிஸார் மேற்கொண்டு வருகின்றனர்.
