பாராளுமன்ற மைக்ரோ போன் கட்டமைப்பில் ஏற்பட்ட பாதிப்பு சதிச் செயல் அல்ல என, சபாநாயகர் கரு ஜெயசூரிய தெரிவித்துள்ளார்.
இன்று காலை சபை நடவடிக்கைகள் ஆரம்பிக்கப்பட்ட போதே அவர் மேற்கண்டவாறு தெரிவித்தார்.
இதுபோன்ற சில சம்பவங்கள் இதற்கு முன்னரும் நடைபெற்றுள்ளதாக, சுட்டிக்காட்டியதுடன் குறித்த கட்டமைப்பு 15 வருடங்கள் பழைமையானது என கூறிய அவர், ஊடகங்கள் இது தொடர்பில் செய்தியிடுகையில் தவறான முறையைக் கையாண்டுள்ளதாகவும் தெரிவித்துள்ளார்.
இதன்படி, சில ஊடகங்கள் அமைச்சர் ரவி கருணாநாயக்கவுக்கு எதிரான நம்பிக்கையில்லாப் பிரேரணை மீதான விவாதம் ஆரம்பிக்கப்பட்ட போதே, மைக்ரோ போன் கட்டமைப்பு பாதிக்கப்பட்டதாக செய்தி வௌியிட்டுள்ளன. எனினும் பிரதமரிடம் வினா, எழுப்பப்படும் வேளையிலேயே இந்த நிலை ஏற்பட்டதாக சபாநாயகர் மேலும் தெரிவித்தார்.
