இல்லார்க்கு ஈர்ந்தளித்து இரங்கும் மனம்
இருப்பவர்க்கு வர வேண்டும் இங்கு தினம்
இல்லை என்று சொல்கின்ற ஈனக் குணம்
இல்லாத சந்ததிகளாய் வேண்டும் சனம்
***
***
கொள்கையில் சிறந்தவன் செயலின் தேர்வு
குறையற்று கொடுப்பான் இறைவன் தீர்வு
பணக்காரன் ஏழையென்ற ஏற்றத் தாழ்வு
பாராமல் இருந்தாலே உயரும் வாழ்வு
***
***
முடிசூடா மன்னனென இருந்தோர்களின்
முடிவுகளை பார்த்தாலும் இருப்பவர்கள்
பிடி போட்டு தான,தர்மம் செய்திடினும்
பிடிப்போடு செய்வதுவே சிறப்பாயாகும்
***
***
அதிகாரத் தோரணையில் அலட்சியமாய்
ஆருக்கும் கொடுத்துதவ இல்லாதோனாய்
ஊருக்குள் பேரெடுத்து சேர்த்த லாபம்
உபயோகம் அற்றுவரும் கூடிப் பாவம்
***
***
நீருக்குள் குமிழியென நிலமை மாறும்
நிற்கெதியாய் நாளையுன் வாழ்வு சோரும்
நாருக்கும் மணக்காத பூவாய் நீரும்
நகைப்புக்குள் இருப்பதால் என்ன நேரும்?
***
***
வள்ளலென பேரெடுக்க தேவையில்லை
வசதிக்குள் கொடுத்துதவ என்ன இல்லை
உள்ளதிலே பகிர்ந்தாலே பஞ்சமில்லை
உண்மையிதை உணர் நீயே உயர்வின் எல்லை
