கிழக்குமாகாண சபை முதலமைச்சினால் வருடா வருடம் நடாத்தப்படுகின்ற இப்தார் நிகழ்வினை இம்முறை ஏறாவூரில் விமரிசையாக நடாத்துவதற்கான ஏற்பாடுகள் நடைபெற்று வருகின்றன.
கௌரவ முதலமைச்சர் ஹாபிஸ் நஸீர்அஹமட் அவர்களின் தலைமையில், இன்று 01-07-2016 வெள்ளிக்கிழமை ஏறாவூர் மர்ஹூம் செயினுலாப்தீன் ஆலிம் வாவாவிக் கரைப் பூங்காவில் ஒரு திறந்த இப்தார் நிகழ்வாக இதனை நடாத்த திட்டமிடப்பட்டுள்ளது.
இந்நிகழ்வில் மாகாணசபை அமைச்சர்கள் , மாகாணசபை உறுப்பினர்கள், பிரதேச அரசியல் பிரமுகர்கள், மாகாணசபை அரச உத்தியோகத்தர்கள் மற்றும் பொலிஸ், இராணுவ உயரதிகாரிகள், பிரதேச பொதுமக்கள் ஆகியோரின் பங்களிப்புடன் இந்த இப்தார் நிகழ்வினை நடாத்த ஆயத்தங்கள் செய்யப்படுகின்றன.
