துருக்கியில் ஆட்சி அதிகாரத்தை கைப்பற்ற முயன்ற சதித் திட்டம் முறியடிக்கப்பட்டுள்ளது. இதுதொடர்பாக ராணுவத்தில் உள்ள குலேன் சிறுபான்மையின ஆதரவாளர்கள் மீது அதிபர் பரபரப்பு புகார் தெரிவித்துள்ளார்.
துருக்கியில் பினாலி எல்ட்ரீம் தலைமையில் ஆட்சி நடைபெற்று வந்தது. இந்நிலையில், தலைநகர் அங்காராவில் உள்ள அரசு மாளிகையை ராணுவம் கைப்பற்றியதாக தகவல்கள் வெளியாயின. நாடாளுமன்றம் மீது குண்டுகள் வீசப்பட்டதோடு, ராணுவ ஹெலிகாப்டர்கள் மூலம் தாக்குதல் நடத்தப்பட்டதில் 17 போலீசார் உயிரிழந்தனர்.
இதனிடையே துருக்கியில் ஆட்சி அதிகாரத்தை கைப்பற்ற முயன்ற சதித் திட்டம் முறியடிக்கப்பட்டதாக அதிபர் எர்டோன் அறிவித்துள்ளார். ஆட்சியை கைப்பற்ற முயன்றதாக 120 பேர் கைது செய்யப்பட்டுள்ளனர்.
ராணுவத்தில் உள்ள குலேன் சிறுபான்மையின ஆதரவாளர்களே இத்தாக்குதலை நடத்தியதாக துருக்கி அதிபர் எர்டோகன் புகார் தெரிவித்துள்ளார்.
குழப்பம் விளைவிக்க முயற்சித்தவர்கள் கைப்பற்றிய ராணுவ விமானங்களை சுட்டுவீழ்த்தவும் அதிபர் உத்தரவிட்டுள்ளார். ராணுவத்தை சீரமைக்க வேண்டிய நேரம் வந்துவிட்டதாகவும் அதிபர் சூசகமாக தெரிவித்துள்ளார்.
news7
