தென் மாகாண கடற்றொழில், கால்நடை உற்பத்தி மற்றும் அபிவிருத்தி, சுற்றாடல் அலுவல்கள், கிராமிய கைத்தொழில், மின்சக்தி மற்றும் கிராமிய தோட்ட உட்கட்டமைப்பு வசதிகள் அமைச்சராக தென் மாகாண சபை உறுப்பினர் ஹேவா வெல்லாலகே குணசேன நியமிக்கப்பட்டுள்ளார்.
அவருக்கான நியமனக் கடிதம் இன்று (20) முற்பகல் ஜனாதிபதி அலுவலகத்தில் ஜனாதிபதி மைத்ரிபால சிறிசேன அவர்கள் முன்னிலையில் தென் மாகாண சபையின் ஆளுநர் ஹேமகுமார நாணயக்கார அவர்களினால் வழங்கி வைக்கப்பட்டது.
தென் மாகாண முதலமைச்சர் ஷான் விஜயலால் த சில்வா அவர்களும் இதில் கலந்துகொண்டார்.
குறித்த அமைச்சு பதவியில் ஏற்கனவே இருந்த டி.வி. உபுல் அந்த பதவியில் இருந்து ஜனாதிபதியால் நீக்கப்பட்டமை குறிப்பிடத்தக்கது.