ஷபீக் ஹுஸைன்-
உத்தேச தேர்தல் சீர்திருத்தம், தற்போதைய தேர்தல் முறைமை தொடர்பாக அரசியலமைப்புச் சீர்திருத்த நிபுணர் கரே வொலனுடன் அமைச்சர் ரவூப் ஹக்கீம் பேச்சுவார்த்தை.
அரசியலமைப்புச் சீர்திருத்த நிபுணர் கரே வொலன், வெள்ளிக்கிழமை நோர்வேக்கு புறப்பட்டுச் செல்லும் முன்னா் மீண்டும் ஸ்ரீ லங்கா முஸ்லிம் காங்கிரஸ் தலைவர் அமைச்சர் ரவூப் ஹக்கீமை அவரது இல்லத்தில் சந்தித்துக் கலந்துரையாடினார்.
உத்தேச தேர்தல் சீர்திருத்தம், தற்போதைய தேர்தல் முறைமையில் சிறுபான்மை மக்களுக்கு உள்ள காப்பீடுகளைக் குறைத்துவிடக் கூடாது என்பதை அமைச்சர் ஹக்கீம் வலியுறுத்தினார். இரட்டை வாக்குச் சீட்டின் முக்கியத்துவம், விகிதாசார, தொகுதிவாரி தேர்தல் என்பன பற்றியும் கலந்துரையாடப்பட்டது.
இக் கலந்துரையாடலில் முஸ்லிம் காங்கிரஸ் பிரதிச் செயலாளர் நாயகம் நிஸாம் காரியப்பர், சர்வதேச விவகாரப் பணிப்பாளர் ஏ.எம். பாயிஸ், சட்டத்தரணி வை.எல்.எஸ். ஹமீத், இணைப்பாளர் லுவீ கணேஷதாசன் ஆகியோரும் பங்குபற்றிக் கருத்துக்களைத் தெரிவித்தனர்.
