அப்துல்சலாம் யாசீம்-
கிண்ணியா தள வைத்தியசாலையில் கடமையாற்றிய பெண் வைத்தியருக்கு இடையூறு விளைவித்த குற்றச்சாட்டின் பேரில் கைது செய்யப்பட்ட மூன்று பேரையும் எதிர்வரும் 07ம் திகதி வரை விளக்கமறியலில் வைக்குமாறு திருகோணமலை நீதிமன்ற நீதவான் விஸ்வானந்த பெர்ணான்டோ இன்று (02) உத்தரவிட்டார்.
கிண்ணியா தள வைத்தியசாலையில் கடமையாற்றி வரும் பெண் வைத்தியர் கடமையை முடித்து விட்டு 30ம் திகதி வைத்தியசாலை விடுதிக்கு சென்று கொண்டிருந்த வேளை வீதியில் நின்ற இளைஞர்களால் இடையூறு விளைவிக்கப்பட்டதாக பொலிஸ் நிலையத்தில் முறைப்பாடு செய்யப்பட்டிருந்தது.
அம்முறைப்பாட்டையடுத்து விசாரணைகளை மேற்கொண்ட பொலிஸார் சந்தேகத்தின் மூன்று பேரை கைது செய்தனர்.
கைது செய்யப்பட்ட நபர்களை ஆஜர்படுத்திய போதே இவ்வுத்தரவிணை நீதவான் பிறப்பித்தார்.
