வெளிநாட்டில் வேலைவாய்ப்பில் ஈடுபட்டுள்ளவர்களில் ஆகக்குறைந்த சம்பளத்தை 2017 ஆம் ஆண்டு முதல் 300 டொலர்களாக அதிகரிக்க நடவடிக்கை எடுப்பதாக வெளிநாட்டு வேலைவாய்ப்பு அமைச்சர் தலதா அத்துகோரல தெரிவித்துள்ளார்.
இலங்கை வெளிநாட்டு வேலைவாய்ப்பு பணியகத்தின் இடம்பெற்ற நஷ்டஈடு வழங்கும் நிகழ்வில் கலந்துகொண்டு கருத்து தெரிவிக்கும் போதே அமைச்சர் இவ்வாறு தெரிவித்துள்ளார்.
வெளிநாட்டில் வேலைவாய்ப்பில் ஈடுபட்டுள்ளவர்கள் சம்பளம் தொடர்பில் பல்வேறு நாடுகளுடனும் கலந்துரையாடி வருவதாகவும், அதேபோல் சில நாடுகளுடன் புரிந்துணர்வு உடன்படிக்கை கைச்சாத்திட்டுள்ளதாகவும் தெரிவித்த அமைச்சர் இந்த குறைந்த சம்பள எல்லையை 2017 ஆம் ஆண்டு ஜனவரி மதம் முதல் அமுல்படுத்த முடியும் என தெரிவித்தார்.
