ஐக்கிய தேசியக் கட்சிக்கு இன்று 70 வயது நிறைவடைகின்றது. 1946 ஆம் ஆண்டு செப்டம்பர் மாதம் 6 ஆம் திகதி இந்நாட்டின் முதல் பிரதமர் டீ.எஸ்.சேனாநாயக்கவின் தலைமையில் ஐக்கிய தேசியக் கட்சி உருவாக்கப்பட்டது.
ஐக்கிய தேசியக் கட்சியின் 70 வருட நிறைவையொட்டி நாடு முழுவதும் சமய நிகழ்வுகள் பல ஏற்பாடு செய்யப்பட்டுள்ளதாக தெரிவிக்கப்படுகின்றது.
கட்சியின் பிறந்த தினமான இன்று கட்சியின் விசேட செயற்குழுக் கூட்டமொன்றும் கூட்டப்படவுள்ளதாக கட்சி வட்டாரங்கள் குறிப்பிட்டுள்ளன.
ஐ.தே.க.யின் 70 ஆவது வருட நிறைவை முன்னிட்டு எதிர்வரும் 10 ஆம் திகதி காலை 9.00 மணிக்கு கொழும்பு, கெம்பல்பிட்டிய மைதானத்தில் மாபெரும் பொதுக் கூட்டமொன்றையும் கூட்டவுள்ளதாகவும், அதில் பிரதம அதிதியாக ஜனாதிபதி மைத்திரிபால சிறிசேன அழைக்கப்பட்டுள்ளதாகவும் அவ்வட்டாரங்கள் கூறியுள்ளன.
