எம்.எம்.ஜபீர்-
புனித ஹஜ்ஜூப் பெருநாளை முன்னிட்டு மத்தியமுகாம் சாளம்பைக்கேணி-04 பிரண்ஸ் விளையாட்டுக் கழகம் ஏற்பாடு செய்த கலை கலாச்சார விளையாட்டு விழாவும் கௌரவிப்பு நிகழ்வும் பிரண்ஸ் விளையாட்டுக் கழகத்தின் தலைவர் ஆர்.நிஜாம் தலைமையில் நேற்று நடைபெற்றது.
இந்நிகழ்வுக்கு திகாமடுல்ல மாவட்ட பாராளுமன்ற உறுப்பினரும் அம்பாரை மாவட்ட அபிவிருத்திக்குழு இணைத் தலைவருமான எம்.ஐ.எம்.மன்சூர், கிழக்கு மாகாண சபை உறுப்பினர் ஆரிப் சம்சுதீன், மட்டக்களப்பு கல்வி வலய பிரதிக் கல்வி பணிப்பாளர் எஸ்.எம்.ஹைதர் அலி, அஸ்-சிராஜ் மகா வித்தியால அதிபர் எஸ்.எம்.எம்.யூசுப், மத்தியமுகாம் ஜீ.எம்.எம்.எஸ். பாடசாலை அதிபர் வை.வீ.சுல்தான், ஸ்ரீ லங்கா முஸ்லிம் காங்கிரஸின் சாளம்பைக்கேணி மத்திய குழு தலைவர் எம்.எச்.மஹ்ரூப், விளையாட்டுக் கழக பிரதிநிகள், கட்சியின் முக்கியஸ்தர்கள், உள்ளிட்ட பலர் கலந்துகொண்டனர்.
இதன்போது 2015ஆம் ஆண்டு புலமைப்பரிசில் பரீட்சையில் சித்தியடைந்த மாணவர்கள் மற்றும் விளையாட்டுக் கழகத்தின் மூத்த வீரர்கள், அறிவிப்பாளர்கள் என பலர் அதிதிகளினால் பாராட்டி கௌரவிக்கப்பட்டனர்.
