'ஈரானியர்கள் முஸ்லிம்கள் அல்லர்' என சவூதி அரேபியாவின் பிரதம இமாம் முப்தி அப்துல் அஸீஸ் அல் ஷெய்க் தெரிவித்துள்ளார். சவூதி அரேபியா தொடர்பில் ஈரானிய ஆன்மிக தலைவர் ஆயதுல்லா அலி கொமைனி வெ ளியிட்ட காட்டமான அறிக்கைக்கு பதிலளிக்கும் வகையில் 'மக்கா டெய்லி' பத்திரிகைக்கு அளித்த செவ்வியிலேயே இதனைத் தெரிவித்துள்ளார்.
'இவர்கள் முஸ்லிம்கள் அல்லர்' என்பதை நாம் புரிந்து கொள்ள வேண்டும்.
அவர்கள் 'மெஜி'யின் ( கிழக்கிலிருந்து கிறிஸ்துவுக்கு காணிக்கை கொண்டு வந்த மூன்று அறிஞர்கள்) பிள்ளைகளே. இவர்கள் முஸ்லிம்களுக்கு எதிராக குறிப்பாக சுன்னாவை பின்பற்றுகின்ற மக்களுக்கு எதிராக போர் தொடுப்பது ஒன்றும் புதிய விடயமல்ல'' என்றும் பிரதம இமாம் முப்தி அப்துல் அஸீஸ் அல் ஷெய்க் மேலும் தெரிவித்துள்ளார்.
கடந்த வருடம் மினாவில் இடம்பெற்ற சனநெரிசலையடுத்து ஈரானுக்கும் சவூதி அரேபியாவுக்குமிடையில் இராஜதந்திர ரீதியில் முறுகல் நிலை தோன்றியுள்ளதையடுத்து இவ்வருடம் ஈரானியர்கள் ஹஜ் கடமைக்குச் செல்வதற்கு அந்நாடு தடை விதித்துள்ளமை குறிப்பிடத்தக்கது.
