வாகனங்களுக்கான விசேட இலக்கத் தகடுகளின் ஏல விற்பனை ஐக்கிய அரபு எமிரேட்ஸின் அபுதாபியில் கடந்த சனிக்கிழமை நடைபெற்றது. இதன்போது, ‘No 1’ எனும் இலக்கத் தகடை வாங்குவதற்கு கடும் போட்டி நிலவியது.
750 பேர் உட்பட இந்த இலக்கத் தகடை வாங்குவதற்கு கோடீஸ்வரர்கள் பலர் போட்டியிட்டனர். இறுதியில் 3.1 மில்லியன் ஐக்கிய அரபு திர்ஹாம்களுக்கு (சுமார் 128 கோடி ரூபா) இந்த இலக்கத் தகடு விற்பனையாகியது.
32 வயதான அப்துல்லா அல் மஹிரி இந்த இலக்கத்தகட்டை வாங்கினார். இதற்கு அடுத்ததாக ‘‘No 7’ எனும் இலக்கத் தகடு அதிக விலைக்கு விற்பனையாகியது. 1.34 கோடி திர்ஹாம்களுக்கு (55 கோடி ரூபா) 7 எனும் இலக்கத் தகடு விற்பனையாகியது.
மூன்றாவதாக ‘No 50 எனும் இலக்கத் தகடு 68 லட்சம் திர்ஹாம் (28 கோடி ரூபா) விலைக்கு விற்பனையாகியது. 22, 10, 6, 11, 111, 11111, 1111, 501, 2016 மற்றும் 1966 ஆகிய இலக்கத் தகடுகளும் இந்த ஏலத்தில் அதிக விலைக்கு விற்பனையாகின.
இந்த ஏல விற்பனையில் அதிக எண்ணிக்கையானோர் பங்குபற்றியமை மகிழ்ச்சி யளிக்கிறது என அபுதாபி பொலிஸ் தளபதியான மேஜர் ஜெனரல் மொஹம்மத் கல்பான் அல் ரொமைதி தெரிவித்துள்ளார்.மெட்ரோநியுஸ்
