பாறுக் ஷிஹான்-
கொடிகாமம் வைத்தியசாலைக்கு அருகில் நேற்று(11) இரவு 7.30 மணியளவில் இடம்பெற்ற விபத்தில் முதியவர் ஒருவர் தலையில் பலத்த காயங்களுடன் சாவகச்சேரி வைத்தியசாலையில் அனுமதிக்கப்பட்டார்.
கொடிகாமத்திலிருந்து மிருசுவிலை நோக்கி சைக்கிளில் சென்றுகொண்டிருந்த முதியவரை பின்பக்கமாக வந்துகொண்டிருந்த படிரக வாகனம் முந்திச் செல்ல முற்பட்டபோது மோதியுள்ளது. இதனால் பலத்த காயமடைந்த நிலையில் சாவகச்சேரி வைத்தியசாலைக்கு உடனடியாக கொண்டு செல்லப்பட்டுள்ளார்.
இவ்விபத்து சம்பவத்தில் கொடிகாமம் ஐயன் கோயிலடியைச் சேர்ந்த இரத்தினம் என்பவரே காயமடைந்துள்ளார்.
மேலதிக விசாரணைகளை கொடிகாமம் பொலிஸார் மேற்கொண்டு வருகின்றனர்.
