கல்விப் பொதுத் தராதர உயர்தரப் பிரிவுகளில் கல்வி கற்கும் மாணவர்களுக்கு டெப் வழங்கப்படும் என பிரதமர் ரணில் விக்ரமசிங்க தெரிவித்துள்ளார்.
ஹொங்கொங்கில் தற்போது நடைபெற்று வரும் ஜேர்மன் ஆசிய பசுபிக் வர்த்தக சர்வதேச சம்மேளனத்தின் 15 ஆம் அமர்வில் நேற்று(04) கலந்து கொண்டு உரையாற்றும் போதே பிரதமர் ரணில் விக்ரமசிங்க இதனைத் தெரிவித்தார்.
அவர் தொடர்ந்து உரையாற்றுகையில்,
பல்கலைக்கழக மாணவர்களுக்கும் சலுகை அடிப்படையில் விரைவில் டெப்களை கொள்வனவு செய்து கொள்ள முடியும். இலங்கையில் டிஜிட்டல் தொழிநுட்பத்திலான பொருளாதாரத்தை உருவாக்குவதே தமது நோக்கம். நாட்டில் WiFi வலையமைப்பு உருவாக்கப்பட்டுள்ளது.
எமது நாட்டிற்கு தொழில்நுட்ப பிரிவில் சிறந்த பொறியியலாளர்கள் தேவை. தகவல் தொழில்நுட்ப கற்கை நிறுவனங்கள் இலங்கைக்கு தேவை. உற்பத்தி உட்கட்டமைப்பு அபிவிருத்தியையும் விட ஏனைய துறைகளில் வளர்ச்சி அடைவதே அரசாங்கத்தின் நோக்கம். முன்னதாக உட்கட்டமைப்பு வளர்ச்சி தொடர்பில் கவனம் செலுத்தப்பட்டிருந்தாலும் உட்கட்டமைப்பு வளர்ச்சியுடன் சேர்த்து உற்பத்தி துறை வளர்ச்சி தொடர்பில் கவனம் செலுத்தப்பட்டு வருகின்றது என தெரிவித்தார்.
