இவ்வரவு செலவுத்திட்டத்தின் விஷேட அம்சம்மாக இருப்பது தமிழ் தேசியக் கூட்டமைப்பும் இதனை ஆதரித்திருப்பதாகும். என ஸ்ரீலங்கா முஸ்லிம் காங்கிரஸ் பிரதித் தலைவரும் விளையாட்டுத்துறை பிரதி அமைச்சருமான சட்டத்தரணி எச்.எம்.எம்.ஹரீஸ் தெரிவித்தார்.
இதன்போது வரவு செலவுத்திட்டம் தொடர்பாக கருத்துத் தெரிவிக்கையில்.
இவ்வரவு செலவுத்திட்டத்தில் நான் பிரதிநிதித்துவப்படுத்துகின்ற பிரதேசத்தில் பல்வேறு வேலைத்திட்டங்களை முன்னெடுப்பதற்காக நிதி ஒதுக்கீடுகள் செய்யப்பட்டுள்ளது. கடந்த பல தசாப்தகாலமாக நிறைவேற்றப்படாமல் இருந்த ஹெடஓயா நீரப்பாசனத்திட்டத்தை மேற்கொள்வதற்காக ஸ்ரீலங்கா முஸ்லிம் காங்கிரஸ் தலைவர் றவூப் ஹக்கீம் அவர்களின் வேண்டுகோளின் பிரகாரம் இவ் வரவு செலவுத்திட்டத்தில் உள்வாங்கப்பட்டு அதற்கான முதற்கட்ட நிதியும் ஒதுக்கப்பட்டுள்ளது.
இதன் மூலம் பொத்துவில் பிரதேச மக்களின் நீண்டகால குறையாக இருந்துவந்த குடிநீர் பிரச்சினை மற்றும் கோடைகாலங்களில் விவசாயம் மேற்கொள்வதில் இருந்த பிரச்சினைகள் தீர்கப்படவுள்ளதுடன் பொத்துவிலை அண்டிய பிரதேசங்களான பாணம, திருக்கோவில், ஆலையடிவேம்பு லஹுகல போன்ற பிரதேசங்களும் பயன்பெறவுள்ளன. அத்தோடு றவூப் ஹக்கீமின் நகர திட்டமிடல் அமைச்சுக்கு 3000 இற்கும் மேற்பட்ட மில்லியன் ரூபாக்கள் ஒதுக்கீடு செய்யப்பட்டுள்ளது. இதனூடாக வருகின்ற வருடத்தில் பாரிய உட்கட்டமைப்பு அபிவிருத்திப் பணிகளை நாடுபூராகவும் மேற்கொள்வதற்கு எதிர்பார்க்கப்படுகின்றது.
அதேபோன்று விளையாட்டுத்துறை அமைச்சுக்கும் கடந்த வருடத்தைவிட பெருமளவான நிதி இம்முறை ஒதுக்கீடு செய்யப்பட்டுள்ளது. குறிப்பாக 'திறமையினை அடையாளம் காணல்' என்ற திட்டத்தின் மூலம் நாட்டில் உள்ள 3 இலட்சத்து 75 ஆயிரம் மாணவர்களின் திறமைகளை அடையாளம் கண்டு விருத்தி செய்வதன் மூலம் சர்வதேச வெற்றிகளை பெறுவதற்கான ஆயத்த நடவடிக்கைகளை மேற்கொள்ளவுள்ளோம்.
அதேநேரம் நாடுபூராகவும் பல புதிய விளையாட்டு மைதானங்கள் அமைத்து சிறந்த விளையாட்டு வீரர்களை உருவாக்க திட்டமிட்டுள்ளோம். அத்தோடு வடகிழக்கில் விளையாட்டுதுறை ஊடாக சமாதானத்தை ஏற்படுத்துவதற்காக விஷேட நிதிகள் ஒதுக்கீடு செய்யப்பட்டுள்ளது என்று விளையாட்டுத்துறை பிரதி அமைச்சர் எச்.எம்.எம்.ஹரீஸ் இதன்போது தெரிவித்தார்.
அதேநேரம் நாடுபூராகவும் பல புதிய விளையாட்டு மைதானங்கள் அமைத்து சிறந்த விளையாட்டு வீரர்களை உருவாக்க திட்டமிட்டுள்ளோம். அத்தோடு வடகிழக்கில் விளையாட்டுதுறை ஊடாக சமாதானத்தை ஏற்படுத்துவதற்காக விஷேட நிதிகள் ஒதுக்கீடு செய்யப்பட்டுள்ளது என்று விளையாட்டுத்துறை பிரதி அமைச்சர் எச்.எம்.எம்.ஹரீஸ் இதன்போது தெரிவித்தார்.
