அப்துல்சலாம் யாசீம்-
திருகோணமலை வடக்கு கல்வி வலயத்திற்குற்பட்ட ரொட்டவெவ முஸ்லிம் வித்தியாலயம். நொச்சிக்குளம் தமிழ் வித்தியாலயங்களுக்கு மாகாண மட்ட பொதுப்பரீட்சைக்கான வினாத்தாள்கள் தனி சங்களத்தில் கிடைக்கப்பட்டுள்ளதாக பாடசாலை தகவல்கள் தெரிவிக்கின்றன.
இன்று (22) செவ்வாய்க்கிழமை மாகாண மட்ட பொதுப்பரீட்சைகள் ஆரம்பிக்கப்ட்ட நிலையில் திருகோணமலை வடக்கு கல்வி வலயத்தில் 04 பாடசாலைகள் காணப்படுகின்ற போதிலும் அதில் தரம் 03-04-05ம் ஆண்டுகளுக்கு உத்தியோகபூர்வமாக இரண்டு பாடசாலைகளுக்கு தனி சிங்களத்தில் வினாத்தாள்கள் அனுப்பி வைக்கப்ட்டுள்ளதாகவும் தெரிவிக்கப்படுகின்றது.
அரசாங்கத்தையும்-கல்வி திணைக்கள அதிகாரிகளையும் நம்பி வாழும் போது தமிழ் பாடசாலைகள் வடக்கு வலயத்தில் புறக்கணிக்கப்படுவதையும் கவனிப்பாரற்ற நிலையை உணர்த்துவதாகவும் இந்த பரீட்சை வினாத்தாள் சுட்டிக்காட்டுவதாகவும் பெற்றோர்கள் தெரிவிக்கின்றனர்.
திருகோணமலை வடக்கு கல்வி வலய தமிழ் மொழி பாடசாலைகள் நான்கு காணப்படுகின்ற போதிலும் தமிழ் மொழிப்பிரிவிற்கான அதிகாரியொருவர் நியமிக்கப்படவில்லையெனவும் தெரிவிக்கப்படுகின்றது.
தனி சிங்களத்தில் பரீட்சை தாள்கள் அனுப்பி வைக்கப்பட்டது தொடர்பாக கோமரங்கடவெல வலயக்கல்வி பணியகத்துடன் (026-2255056) தொடர்பு கொண்டு கேட்ட போது கிழக்கு மாகாண கல்வி திணைக்களமே இதற்கு பொறுப்பு கூற வேண்டும் என தெரிவிக்கப்பட்டது.
