தாயகஉறவுகளுக்கு புலம்பெயர் தமிழர்களின் உதவிகள்!

காரைதீவு  நிருபர் சகா-

யுத்தத்தில் பல இன்னல்களை சந்தித்து தங்களின் வாழ்வை கல்வியை தொடர முடியாத நிலையில் இருக்கும் ஈழத்து உறவுகளின் துயர் துடைக்க புலம்பெயர் தேசத்து வாழ் ஈழத்தமிழ் மக்கள் மனிதநேய பணிகள் செய்து வருகின்றார்கள்.

அதன் ஒரு கட்டமாக அவுஸ்திரேலியா வாழ் தமிழ் உறவுகள; மட்டக்களப்பு படுவான்கரை பிரதேசத்தில் போரினால் பாதிக்கப்பட்ட மக்களின் வறிய நிலை மாணவர்களின் கல்வியை உயர்த்தும் நோக்குடனும் அவுஸ்திரேலியா அன்பாலயம் என்ற அமைப்பு ஊடாக நேற்று பாடசாலை மாணவர்களுக்கான 15 துவிச்சக்கர வண்டிகளை வழங்கி வைத்தன.
மட்டக்களப்பு படுவான்கரையில் மிகவும் பின்தங்கிய மகிழவெட்டவான் கன்னன்குடா மங்கிக்கட்டு நால்காடு வவுணதீவு ஆகிய பிரதேச ஏழை மாணவர்களின் கல்விக்காக 15துவிச்சக்கரவண்டிகள் வழங்கப்பட்டன.
வவுணதீவு பிரதேச செயலக உதவி திட்டமிடல்பணிப்பாளர் எஸ்.நிர்மலராஜ்திட்டஅலுவலர் எஸ்.மனோகரன் அமைப்பின் இணைப்பாளர் பொறியியலாளர் ஹென்றிஅமல்ராஜ் ஆகியோர் கலந்தகொண்டு அவற்றை வழங்கிவைத்தனர்.

ஏலவே புதுவாழ்வும் புனர்வாழ்வும் என்ற லண்டன் தமிழர்அமைப்பினூடாக இதே பிரதேசத்தில் 05 துவிச்சக்கரவண்டிகள் ஏழை மாணவர்களின் கலவிக்காக வழங்கப்பட்டன. அதனையும் புதுவாழ்வும் புனர்வாழ்வும் அமைப்பின் இணைப்பாளர் பொறியியலாளர் ஹென்றிஅமல்ராஜ் வழங்கிவைத்தார்.

இந்த செய்தியை நண்பர்களுடன் பகிர்ந்து கொள்ள...

எமது உத்தியோகபூர்வ பேஸ்புக் பக்கம்

importmirror.com

எமது செய்திகளை உடனுக்குடன் பேஸ்புக் மூலம் அறிந்து கொள்ள எமது பேஸ்புக் பக்கத்தை லைக் (like) செய்க!

முக்கிய குறிப்பு :

எமது இணையத்தளத்துக்கு அனுப்பிவைக்கப்படும் ஆக்கங்கள் , செய்திகள் என்பவற்றுக்கு அதனை அனுப்பிவைப்பவர்களே பொறுப்பாளிகள் ஆவர். தவறான அல்லது பிழையான, அவதூறு, பிறர் மனங்களை புண்படுத்தும் செய்திகள் அல்லது தகவல்களுக்கு எமது நிருவாகமோ இணையத்தளமோ பொறுப்பாளியல்ல. இதனைக்கருத்தில் கொண்டு தகவல் தொடர்புகளை மேற்கொள்ளுமாறு வேண்டுகின்றோம்.- நிருவாகம் -